Халықаралық ескерткіштер мен тарихи орындар күні аясында өткен «Бабалар ескерткіштері – ұрпаққа аманат» атты экологиялық акциясы

Халықаралық ескерткіштер мен тарихи орындар күні аясында Көкшетау қаласы мен Зеренді ауданында «Бабалар ескерткіштері – ұрпаққа аманат» атты экологиялық акция өтті.

Іс-шара Еркін Әуелбековтің ескерткіші маңында, сондай-ақ Уәли ханның мазары жанында ұйымдастырылды. Акция барысында қатысушылар аумақтарды абаттандыру және тазарту жұмыстарын жүргізіп, тарихи-мәдени мұраны сақтаудың маңыздылығын атап өтті.

Аталған бастамаға «Жастар Рухы» жастар қанатының өкілдері, тарихшы-ғалымдар, қоғам қайраткерлері және бұқаралық ақпарат құралдарының өкілдері қатысты.

Экологиялық бастама Ақмола облысының барлық аудандары мен қалаларын қамтып, ұлттық құндылықтарды ұлықтауға бағытталған кең ауқымды іс-шараға айналды.

Осындай іс-шаралар тарихқа деген құрметті қалыптастырып, ұрпақтар сабақтастығын нығайтуға және еліміздің көрнекті тұлғаларының мұрасын сақтауға ықпал етеді.