Халық қаһарманы, жазушы Бауыржан Момышұлының 115 жылдығына орай «Ержүрек даңқты жауынгер – Бауыржан Момышұлы» атты тарих сабағы Көкшетау қаласының №8 жалпы орта білім беретін мектебінде өткізілді

Кеңес Одағының Батыры, әскери қолбасшы, даңқты жауынгер және халық қаһарманы Бауыржан Момышұлының 115 жылдығына арналған «Ержүрек даңқты жауынгер–Бауыржан Момышұлы» атты тарих сабағы Көкшетау қаласының №8 жалпы орта білім беретін мектебіндеөтті.

Сабақ барысында оқушылар Бауыржан Момышұлының әскери жолы, Ұлы Отан соғысы жылдары отанды қорғауға қосқан үлесі және оның адамгершілік құндылықтарын, батылдығын және халқына деген адалдығын ашатын әдеби мұрасы жайлы білді.

Сабақ жас ұрпаққа халық батырларының ерліктерін, олардың төзімділігін және рухани күш-жігерін еске түсірудің маңызды мүмкіндігі болды. Бауыржан Момышұлының өмірі мен қызметі туралы білу өз халқының тарихына мақтаныш сезімін, әскери ерлікке құрмет көрсетуді және тарихи естелікті сақтаудың маңыздылығын түсінуді қалыптастыруға септігін тигізеді.