Қазақтың ұлы ғалымы Шоқан Уәлихановтың 190 жылдығына орай, «Шоқан Уәлиханов – ғылым мен руханияттың шамшырағы» атты акция өтті

2025 жылғы 28 қарашада Көкшетауда көрнекті қазақ ғалымы, этнограф, тарихшы, ағартушы және қоғам қайраткері Шоқан Уәлихановтың туғанына 190 жыл толуына орай "Шоқан Уәлиханов – ғылым мен руханияттың шамшырағы" атты естелік акция өтті. Іс - шара 1971 жылы М. Әуезов-М. Сағдиева көшелерінің қиылысында орнатылған, мүсінші Т. С. Досмағамбетов пен сәулетші К. А. Әбдіков жасаған Шоқан Уәлиханов ескерткіші-Республикалық маңызы бар ескерткіштің жанында өтті және "Шоқан жолдары" ҚБ өкілдерімен кездесу-кеші әдебиет және өнер музейінің алаңында өтті.

Іс-шараның негізгі мақсаты – ұлы ғалым мен ағартушыға құрмет көрсету, оның ғылыми және рухани мұрасын насихаттау, сондай-ақ жастардың елдің тарихи және мәдени мұрасына деген қызығушылығын арттыру болып саналады.

Іс-шараға қатысушылар – мемлекеттік органдар, ғылыми және білім беру қауымдастығының өкілдері, қоғам қайраткерлері, Ш. Уәлиханов атындағы Көкшетау университетінің студенттері ұлы ғалымның рухына тағзым етіп, оның ғылыми және рухани мұрасының маңыздылығын атап өтті.