Көкшетау қаласының М. Ғабдуллин атындағы №3 көпбейінді мектеп гимназиясында қазақ жазушысы, Мемлекеттік сыйлығының лауреаты Ілияс Есенберлиннің 110 жылдығына арналған «Әлемге мәшһүр жазушы-Ілияс Есенберлин» атты дөңгелек үстел өтті

Ақмола облысы мәдениет басқармасының «Тарихи-мәдени мұраны қорғау және пайдалану орталығы» КММ Көкшетау қаласының М. Ғабдуллин атындағы №3 көпбейінді мектеп гимназиясында Ілияс Есенберлиннің 110 жылдығына арналған «Әлемге мәшһүр жазушы-Ілияс Есенберлин» атты дөңгелек үстел өткізді. Қазақ елінің тағдыры мен тарихы туралы келелі ой қозғаған Ілияс Есенберлин – қазақ әдебиетінің ғана емес, қазақ халқы тарихының төрінен лайықты орын алатын дара тұлға. Қазақстан Республикасы мемлекеттік сыйлығының лауреаты, қазақ әдебиетінің тарихында бүгінге дейін ең көп роман жазған жазушы. Іс-шара барысында жазушының өмірі мен қызметі, шығармашылығы туралы айтылып, аталмыш мектептің оқушылары Қуанышбек Гаухар «Ақиқаттың ақиығы»  және Мурзабекова Алина «Тарихты көркем тілмен сөйлеткен – І. Есенберлин» атты баяндамалар оқып, Ақмола облысы Атбасар ауданындағы  І.Есенберлиннің әдеби музейінің меңгерушісі Комбатурова Ұлболсын Данияровна музей экспозициясы бойынша онлайн-экскурсия өткізді.