Халықаралық балаларды қорғау күніне арналған «Балғын балалар-біздің болашағымыз» акция өтті

1 маусым – Халықаралық балаларды қорғау күні. Аталған мерекені әлемнің 30-дан астам елі атап өтеді. Бұл күн бізге өскелең ұрпақ алдындағы үлкен жауапкершілікті еске салады. Өйткені, баланың ең маңызды құқығы – бақытты болу!

2026 жылдың 1 маусым күні Халықаралық балаларды қорғау күніне орай, Орталық мамандары Ақмола облысының білім бөлімі жанындағы «Ақбота» бөбекжайы» тәрбиеленушілерімен Көкшетау қаласының орталығында орналасқан Абылай хан, М. Ғабдуллин ескерткіштері алдында  «Балғын балалар-біздің болашағымыз» акциясын өткізді.

Акцияның мақсаты – балалардың құқықтарын қорғау, бейбітшілікті сақтау, бүлдіршіндерге қуаныш сыйлау және олардың бақытты балалық шағын қамтамасыз ету болып саналады.